ცნობილი ქართველი მევახშე-ბანკირი მამუკა ხაზარაძე ნამუსზე აგდებს იმ ადამიანებს, ვინც საქართველოს დამნაშავე ექსპრეზიდენტის, მიხეილ სააკაშვილის მიმართ შეურაცხმყოფელ გამოთქმეს იყენებს. „შევარცხვინე ის ქართველი, ციხის კართან რომ მივა და პატიმარს დედას შეაგინებს, ეს არ არის ქართველ
ობა და ეს არ არის საქართველო“ – ამბობს ხაზარაძე.
ალბათ, ქართველობა ისაა, ციხის კართან კი არა, არტამედ შიგნით ციხეში რომ აგინებ დედას პატიმრებს? ან კიდევ, დაპატიმრებულ უმწეო ადამიანს რომ შეუვარდები და საკანშივე ცემ და დაასისხლიანებ? ან საკნიდან რომ გამოათრევ და სპეციალურ საწამებელ ოთახში, მაგიდაზე პირქვედამხობილს უკანალში სკამის ფეხს რომ შეურჭობ და ასე მოკლავ?
როგორც ჩანს, ხაზარაძისთვის საქართველოც ისაა, როდესაც სხვა ქართველებს აწყობილ ბიზნესებს აახევ ხელისუფლებაში მყოფი ავტორიტარული ძალის ხელშეწყობით და მათთან ძმაკაცობით. იქნებ ქართველობაზე და საქართველოზე ამდენ ლაპარაკს, მამუკა ხაზარაძემ იმაზე გასცეს ხალხს პასუხი, რატომ ართმევდნენ ხელისუფლების ურჩ ადამიანებს საკუთარ ბიზნესებს სწორედ „თიბისი“ ბანკის გავლით?
