პარლამენტში როგორც იქნა თავშეყოფილი პარტია „მოქალაქეების“ ლიდერი ალეკო ელისაშვილი საქართველოს პატიმარ ექსპრეზიდენტს მკაცრად აკრიტიკებს და მიუთითებს, რომ თუ მას თავი უდანაშაულოდ მიაჩნია, სტრასბურგის ადამიანის უფლებათა სასამართლოს მიმართოს. „რა აბსურდია, ყველა სოფელში შექმენით ჩემი გათავისუფლების კომიტეტიო, რომ გაიძახის, რა ხდება, მახნოს და ბოლშევიკების დრო ხომ არ არის? ციხიდან დამიხსენითო რომ მოგვიწდებს, ლევ ტროცკივით“ – ამბობს ალეკო ელისაშვილი. მის აღშფოთებას იწვევს აგრეთვე სააკაშვილის მიერ სასამართლოზე გაჟღერებული პოზიცია 7 ნოემბრის, სანდრო გირგვლიანის, ვალერი გელაშვილისა და სხვა საქმეებთან დაკავშირებით. „როგორც ჩანს, 7 ნოემბერს ყველაფერს მხოლოდ ტელევიზორში უყურებდა, სანდრო გირგვლიანის ამბავი საერთოდ არ მომხდარა, ვალერი გელაშვილმა თვითონ იცემა თავი… მურუსიძის სასამართლოს მტერი ენდოს, მაგრამ მიმართოს და სტრასბურგში გაიმართლოს თავი. რაის კომიტეტი შექმენით და სახალხო რაზმი მოვარდეს და გამათავისუფლოს, ბოდვებს თავი დაანებოს და თავი იმართლოს!“ – ასეთია ალეკო ელისაშვილის პოზიცია.
