ტელეკომპანია „კავკასიის“ ეთერში „ქართული ოცნების“ ყოფილი სახე გარკვეული ლენინისტური რიტორიკით გამოირჩა. კერძოდ მან თავის ყოფილ პარტიას „ხალხის მჩაგვრელები“ უწოდა და პირობა დადო, რომ 2 ოქტომბრის მერე „ოცნება“ და მისი ლიდერი ბიძინა ივანიშვილი ქართველ ხალხს ვეღარ დაჩაგრავს. ყველაზე საინტერესო კი, მაინც ის მომენტი იყო, როდესაც ბატონმა გედიმ თავი ვეღარ შეიკავა და პირდაპირ განაცხადა, რომ თუ 2 ოქტომბერს მმართველი ძალა კვლავ გაიმარჯვებს, მაშინ დგება აუცილებლობა, რომ მოქმედი მმართველი
ძალა გარკვეული რადიკალური მეთოდებით მოაშორონ ხელისუფლებას. „ქართული ოცნება არის უკვე არა პოლიტიკური პარტია, არამედ კრიმინალური ბანდა. 2 ოქტომბრის შემდეგ, თუ მათ კვლავ გაიფორმეს გამარჯვება, ეს უკვე იქნება უკანონო მთავრობა, ეს იქნება ხელისუფლების უზურპატორი პარტია!“ – ამ ფრაზეოლოგიით, გედი ფოფხაძემ, სხვათა შორის, ძია ლენინზე მეტად, 2003 წლის მოდიფიკაციის მიშა სააკაშვილი გაგვახსენა. ვნახოთ, როგორ განვითარდება 2021 წლის დაანონსებული „გედების რევოლუცია“. (ნახეთ ვიდეო!)
